तनहुँ, २५ वैशाख । भानु गाउँपालिका–४ तनहुँका ३६ वर्षीय रामबहादुर कुमालले चितुवा आक्रमणको प्रतिकार गर्दा चितुवाको घटना स्थलमा नै मृत्यु भएको छ ।

वैशाख पूर्णिमाको पूजाका लागि कुखुरा किनेर ल्याएका कुमालले वुधबार राति खोरमा कुखुरा चोरी गर्ने चोरलाई लख्ट्दै गर्दा जंगलको रुखमा वसिरहेको चितुवाले एक्कासी आक्रमणगरेपछि प्रतिकार गर्दा चितुवाको मृत्यु भएको हो । करिब ३ वर्षको जतिको देखिने पोथी चितुवाको आक्रमणको प्रतिकारगर्ने क्रममा कुमाल सख्त घाइते भएका छन् ।
रामबहादुर कुमाल नेपाली सेनाबाट निवृत्त भएका हुन् । घाइतेकुमालको पोखरास्थित गण्डकी अस्पतालमा उपचारका लागि लगिएको छ । कुखुरा चोलाई लखेट्न उनका छिमेकी र छोरा समेत गएका थिए । जंगलको खोल्सा नजिक पुगेका रामबहादुरका छोरा समीरलाई चितुवाले आक्रमण गरेपछि रामबहादुरले छोरा जोगाउन खोज्दा चितुवाले रामबहादुरमाथि नै आक्रमण गरेको थियो ।

चितुवा र उनीहरुका बीचमा झण्डै आधा घण्टा घम्साघम्सी चल्यो ।रामबहादुरको हात नै चितुवाको मुखभित्र प¥यो भाईलाई चितुवाले लडाएको देखेपछि दाइ भरत चितुवामाथि जाइलागे । भरत र रामबहादुरका छोराहरु पनि उठेर बाबुहरुको पछि दौडिए ।रातको तीन बजे थियो छोराहरुले ढुंगा र लाठीले लगातार चितुवामाथि प्रहार गरे । चितुवाको मुखबाट रामबहादुरको हात निकाले । ‘चितुवाको मुखमा ढुंगा कोचेर भाइको हात निकाल्यौ, चितुवाले भाग्न निकै बल गरिरहेको थियो, जोडले अठ्याएर मा¥यौं’ भरतले भने । अन्दाजी १५ किलो तौल र करिब ३ वर्षको पोथी चितुवालाई उनीहरुले मारेको डिभिजन वन कार्यालय तनहुँका प्रमुख केदार बरालले जानकारी दिए । ‘बाहिरी भाग खुइलिएको चितुवा हेर्दा रोगी जस्तो थियो’ बरालले भने । मृत चितुवा डिभिजन वन कार्यालय दमौली ल्याइएको छ ।