पोखरा १९, वैशाख । पोखरा रंगशालामा हाल कार्यरत मजदुहरुलाई खाद्य सामाग्रि चामल सहयोग हस्तान्तरण गरिएको छ ।

पोखराकी लक्ष्मी गुरुङ, मनकुमारी गुरुङ र कमला गुरुङले १५ वोरा चामल राष्ट्रिय खेलकुद परिषद (राखेप) का सदस्य राजेश गुरुङ मार्फत उक्त चामल सहयोग हस्तान्तरण गरेका हुन्।

स्वदेश तथा विदेशमा रहेका दाताहरुको सहयोगबाट उक्त सहयोग गरेको लक्ष्मी गुरुङले बताइन् । राखेप सदस्य गुरुङले मे १ तारिक अर्थात मजदुर दिवसको अवसरमा खाद्य सामाग्रि सहयोग गरेकोमा धन्यवाद दिदै सामाजिक दुरी कायम गरी हाल मजदुरहरुलाई खाजा तथा खानाको व्याबस्था रंगशालामै गरी मजदुहरुलाई काममा लगाएको बताए ।

उनका अनुसार पोखरा रंगशालमा हाल करिब ६० जना मजदुहरु विभिन्न खेलकुदका भौतिक निर्माणको योजनामा आवद्ध भएकाछन्। ठेक्दारले भनेको समयमा रकम दिन नसकेको अबस्थामा हाल उनीहरुलाई राहत उपलब्ध गराउनु परेको उनले जनाए ।

विभिन्न जिल्लाबाट आएका मजुदरुहरुलाई पोखराको फुटवल प्रशिक्षण मैदान, नाला, स्ल्याव, रंगशालाको झाडी फाड्ने देखि रंगशाला सजिसजावटमा मजदुहरुलाई हाल परिचालन भएको राखेप सदस्य गुरुङले जनाए । सहारा हङकङका अध्यक्ष दीपक गुरुङले मजदुहरुको लागि खाद्य सामाग्रि सहयोग गर्ने भएका छन् ।