Worldlink ads

तीन तहको सरकार बिच समन्वय हुनुपर्यो: अर्थ तथा विकास समिति

आदर्श समाज सम्वाददाता
वैशाख १५, २०७७
samiti ma 6alfal

पाेखरा । गण्डकी प्रदेशको अर्थ तथा विकास समितिले विश्वभर फैलिएको महामारी कोभिड १९(कोरोना भाइरस ) नियन्त्रणको लागि तीन तहको सकार विच समन्वय हुन आबश्यक रहेकोको निष्कर्ष निकालेको छ ।

पोखरा नदिपुर स्थित समितिको कार्यालयमा आइतबार भएको छलफलमा बोल्दै समितिका सभापति दीपक कोइरालाले कोभिड १९ नेपालमा रोकथाम र नियन्त्रणको लागि तीन तहको सरकार विच अझै बढि समन्वयको आबश्यकता देखिएको बताउनु भयो ।

सभापति कोइरालाले गण्डकी प्रदेशको बजार अनुगमन टोलीसँग यस प्रदेशको बजारको अवस्था, मुल्यबृद्धि बारे छलफल गर्नुभयो । अनुगमन टोलीका संयोजक गोकुल शर्मा पौडेलले गण्डकी प्रदेशमा अहिले कुनैपनि सामाग्रीको अभाव नरहेको समितिलाई जानकारी दिनुभयो ।

पौडेलले लकडाउनको अबधीमा कास्की, स्याङ्जा, पर्वत तनहुं लगायतका एक सयभन्दा बढि ठाउँमा अनुगमन गरिएको जानकारी दिनुभयो । टोलीले आपुर्तिलाई सहज बनाउने तर्फ अहिले जोड दिएको बताउनु भयो ।

अनुगमन टोलीका सदस्य एवं उपभोक्ता मञ्च गण्डकीका संयोजक कपिलनाथ कोइरालाले कम्पनीबाटै केही सामानको मुल्यबृद्धि गरेर पठाएकोले आटा, खाने तेल,रातोदालमा केही मुल्यबढेको पाइएपनि सामानको अभाव भने नदेखिएको बताउनु भयो । उहाँले औषधीको पनि गण्डकी प्रदेशमा अभाव नरहेको जानकारी दिनुभयो ।

यसैविच छलफलमा बोल्दै कास्कीका साहयक प्रमुख जिल्ला अधिकारी गुरुदत्त ढकालले कास्कीमा ग्याँस र खाद्यनमा अभाव नरहेको बताउनु भयो । कालोबजारी गर्नेलाई कारबाही गर्ने बताउदै ढकालले कालोबजारी गर्ने तीनजनालाई कास्कीमा मुद्धाचलाएको बताउनु भयो ।जिल्ला प्रशासन कार्यालय कास्कीका प्रशासकीय अधिकृत लिलाबल्ब न्यौपानेले तीनतहको सरकार विच राम्रो समन्वय भए अहिले देखिएका समस्याको समाधान हुने बताउनु भयो ।

तीनतहकै सरकारको एउटै निर्णय भए काम गर्न सहज हुने उहाँको भनाई थियो । एक उदाहरण दिदै न्यौपानेले चितवनबाट चल्ला ल्याउन प्रदेश र संघीय सरकारले छुटदिएको छ । कोत्रे आएपछि महानगरले प्रवेश दिदैन चल्ला पुःन चितवन फर्काइदिंदा किसानलाई नोक्सान भएको भन्दै तीन तहको सरकारविच समन्वय हुनुपर्ने जनाउनु भयो ।

समितिका बजारमा चोक्करको मुल्य बढि लिएको,   एलपी ग्याँसको मिति सकिएको ग्याँस सिलिन्डर बजारमा पाइएको लगायतका विषयमा पनि छलफल भएको थियो ।

Related News

सम्बन्धित समाचार

    • दुःख र छाप्रामै थलिए राउटे

      रासस असाेज ३, २०७८
      कर्णाली । चिसो भुइँमाथि पातलो खुइलिएको म्याट । बुढ्यौलीले शरीर दिनप्रतिदिन चाउरिँदैछ । शरीर ढाक्ने कपडा छ न पानीबाट ओत…
    • हवाई खेलकुदको चासो : विमानस्थल बनेपछि के हुन्छ ?

      प्रकाश ढकाल असाेज ३, २०७८
      पोखरा । एजेन्सीले एयरलाइन्ससँग टिकट किनेर महँगोमा बिक्री गरिदिंदा पर्यटकलाई टिकट खरिदमा समस्या छ । नेपाल आएपछि पनि उनीहरुले धेरै झन्झट…
    • फुटसल खेलाउँदै पोखरा

      धनबहादुर गुरुङ असाेज ३, २०७८
      पोखरा । अखिल नेपाल फुटबल संघ (एन्फा) आयोजनामा पोखरामा शनिबारदेखि ‘ए’ डिभिजन राष्ट्रिय फुटसल लिग सुरु भएको छ । उद्घाटन…
    • सातौँ संविधान दिवस मनाइँदै

      रासस असाेज ३, २०७८
      काठमाडौं । सातौँ सविधान दिवस स्वदेश र विदेशमा आज विविध कार्यक्रमको आयोजना गरी भव्यरुपमा मनाइँदैछ । संविधान दिवस मूल समारोह…
    • राष्ट्रपतिद्वारा ९०३ जनालाई विभूषण प्रदान

      आदर्श समाज सम्वाददाता असाेज ३, २०७८
      काठमाडाैं । संविधान दिवसका अवसरमा राष्ट्रपति विद्यादेवी भण्डारीले ९०३ जनालाई विभिन्न विभूषण, अलङ्कार र पदक प्रदान गर्नुभएको छ । नेपालको…

    hero news full width

    Jewellery

    sanil ads

    wordlink ads