अलपत्र मजदुरहरुलाई खाना तथा खाजाको व्यवस्था

आदर्श समाज सम्वाददाता
वैशाख १३, २०७७
35990349

स्याङजा, १३ बैशाख । लकडाउनको दिन बढदै जान थालेपछि अलपत्र मजदुरहरुलाई नेपाल रेडक्रस सोसाईटी स्याङजा शाखाले खानाको व्यवस्था गरेको छ । रेडक्रस स्याङजाले सातुपसल, करेण्डाडा र चक्रकमला उपशाखाको आयोजनामा खाना तथा खाजाको व्यवस्था गरेको हो ।

लक डाउनका कारण भोकभोकै मदजुहरु आवत जावत गर्न थालेपछि विभिन्न रेडक्रसका उपशाखाहरुको समन्वयमा खाना खुवाउने व्यवस्था गरेको सातुपसल उपशाखाका अध्यक्ष भागीरथ तिवारीले जानकारी दिए । उत्त शाखाहरुले दैनिक जसो २० देखी ३० जनालाई खाना र खाजाको व्यवस्था गरेको छ ।खाना खुवाउने स्थलमा आवश्यक पर्ने चामल, तरकारी, दाल र पानी लगायतका खाद्यान्न सामाग्रीहरु रेडक्रस स्याङजा शाखाले सहयोग गरेको छ । स्थानीय लाम्पाटा र पुलकोमुख बासीहरुले पनि खाद्यान्न सहयोग गरेको तिवारीले जानकारी दिए ।

रेडक्रस स्याङजाले जिल्ला प्रशासन र नेपाल आर्मीको समन्वयमा पनि पुतलीबजारको विष्णु पधेरामा पनि खाना खुवाउने स्थाल निमार्ण गरेको छ । रेडक्रसले हाल सम्म करिब दुई सय जना मज्दुरहरुलाई खाना र खाजाको व्यवस्था गरेको रेडक्रसका स्याङजाका मन्त्री दिनेश अर्यालले बताए । त्यसैगरी पुतलीबजार ६ का वडा अध्यक्ष कृष्णबहादुर कार्कीले पोखराबाट वर्दीया हिडेका २१ मदजुरलाई खाजाको व्यवस्था गरेका छन् । उनले बर्दीया हिडेका मदजुरहरु अलपत्र परेपछि बास बस्ने ठाँउको व्यवस्था सहित चिउरा, चाउचाउ, दालमोठ र पानीको व्यवस्था गरेका थिए ।

Related News

सम्बन्धित समाचार

hero news full width