Worldlink ads

बास्तविक विपन्न परिवारलाई समस्या परेको छः महानगरका वडाध्यक्षहरु

एजेन्सी
वैशाख ९, २०७७
26 to 33 Ward President pic

लेखनाथ । पोखरा महानगरपालिकाका विजयपुरपारिका वडाध्यक्षहरुले लकडाउनका कारण विपन्न परिवारमा परेको समस्यालाई समाधान गर्ने विषयमा छलफल गरेका छन् । पोखरा महानगरपालिका वडा नं. २७ को कार्यालय तालचोकमा मंगलबार दिउँसो बसेको बैठकमा वडाध्यक्षहरुले छुटेका विपन्न परिवार एवं दोश्रो चरणको राहत कार्यलाई प्रभावकारी बनाउन महानगरसँग समन्वय गर्ने निर्णय समेत गरेका छन्।

पहिलो चरणमा बाँडिएको राहतले ठुलो परिवारलाई अपुग भै समस्या पर्दै गएको र केही व्यक्तिहरुले अनावश्यक रुपमा राहत लिएको पाईएको त्यसक्रममा वडाध्यक्षहरुले समिक्षा गरेका थिए । पहिलो चरणको राहत बितरण चाँडै भएको भन्दै बास्तबिक मजदुर र विपन्न परिवारलाई अहिले समस्या परको पनि ति वडाध्यक्षहरुको भनाई रहेको छ।

कोभिड—१९ का कारण गरिएको लकडाउनले विकास निर्माणका योजनाहरु प्रभावित भएको उल्लेख गर्दै, वडाध्यक्षहरुले सामाजिक दुरी कायम गरेर भएपनि वडाका विकास योजना अघि बढाउन महानगरसँग आग्रह गर्ने जनाएका छन् । उनिहरुले आवश्यक सुरक्षा अपनाएर विकास योजनाको कार्यान्वयनमा विपन्न परिवारको श्रमलाई जोड्न सकिने समेत ठहर गरेका छन्।

केही वडामा विभिन्न संघसंस्थाहरुले आफुखुशी राहत बितरण गरेको पाइएकाले महानगर वा वडा कार्यालयसँग समन्वय गरी बितरण गर्न र त्यसको तथ्यांक वडालाई उपलब्ध गराउन समेत वडाहरुले आग्रह गरेका छन् ।

कोभिड—१९ का विरुद्ध नेपाल सरकारले जारी गरेका निर्देशनहरुको पालना गर्दै, लकडाउनलाई सफल बनाउन आ—आफ्ना वडाबासीलाई आग्रह गरेका छन् ।

वडा नं. ३० का वडाध्यक्ष श्रीराम पोखरेलको अध्यक्षतामा बसेको बैठकमा वडा नंं २६ का वडाध्यक्ष नारायण प्रसाद बराल, वडा नंं २७ का वडाध्यक्ष पूर्णकुमार गुरुङ्ग, वडा नं. २८ का वडाध्यक्ष निर्मल दियाली, वडा नं. २९ का वडाध्यक्ष चेतबहादुर गुरुङ्ग, वडा नं. ३१ का वडाध्यक्ष कमलबहादुर थापा, वडा नंं ३२ का वडाध्यक्ष अक्कल बहादुर कार्की र वडा नंं ३३ का वडाध्यक्ष शिव प्रसाद आचार्यको उपस्थिति रहेको थियो।

Related News

सम्बन्धित समाचार

    • नागरिक समाजको स्थापना दिवसमा चौतारी सफाइ

      आदर्श समाज सम्वाददाता असाेज ३, २०७८
      पोखरा, ३ असोज । नागरिक समाज कास्कीले आफ्नो ११ औं स्थापना दिवस अवसरमा चौतारी संरक्षण अभियानअन्तर्गत चौतारी सरसफाइ गरेको छ…
    • सयपत्री सहकारीको साधारणसभा

      आदर्श समाज सम्वाददाता असाेज ३, २०७८
      पोखरा । सयपत्री बचत तथा ऋण सहकारी संस्थाको १२ औं साधारण सभा शनिबार भएको छ । गत भदौ २४ देखि २७…
    • पोखरा बचत सहकारीमा नयाँ सञ्चालक समिति

      आदर्श समाज सम्वाददाता असाेज ३, २०७८
      पोखरा । पोखरा बचत तथा ऋण सहकारी संस्था, नयाँबजारको २२ औं वार्षिक साधारणसभा तथा नवौं अधिवेशनले पुनः इ.सुरेन्द्रबहादुर गोदारको अध्यक्षतामा…
    • उपाय सिटी कार्गोको सेवा पोखरामा

      आदर्श समाज सम्वाददाता असाेज २, २०७८
      पोखरा । उपाय सिटी कार्गोले युकेएड स्किल्स फर एम्प्लोय्मेन्ट (सीप)को साझेदारीमा पोखरामा सेवा सुरु गरेको छ । पोखरामा ९ महिना…
    • ‘मातृशिशु मितेरी अस्पताललको सेवा उल्लेखनीय’

      आदर्श समाज सम्वाददाता असाेज २, २०७८
      पोखरा । गण्डकी प्रदेश सरकारका कानुन, सञ्चार तथा प्रदेश सभा मामिला मन्त्री विन्दुकुमार थापाले स्वास्थ्यको क्षेत्रमा मातृशिशु अस्पतालको भूमिका उल्लेखनीय…

    hero news full width

    Jewellery

    sanil ads

    wordlink ads