देशको मुख्य राजमार्गमै काँडेतार

आदर्श समाज सम्वाददाता
वैशाख ७, २०७७
by radhakrishna dumre (2)

पोखरा, ७ वैशाख । गण्डकी प्रदेश प्रवेशमा रोक लगाउने निर्णयसँगै देशको मुख्य राजमार्गमै तारजाली लगाएर छेकबार गरिएको छ ।सिद्धार्थ राजमार्गअन्तर्गत स्याङ्जा–पाल्पा सीमा राम्दी पुलको स्याङ्जा खण्डतर्फ प्रशासनले काँडेतार लगाएर आवतजावतमा रोक लगाएको हो । जसबाट प्रदेश ५ र गण्डकी प्रदेशको सो सीमाबाट सहजरुपमा प्रवेश बन्द भएको हो ।

‘मुख्यमन्त्रीज्यूको निर्देशनबमोजिम नै हामीहरुले त्यहाँ बेरियर लगाएका हौं,’ स्याङ्जाका प्रमुख जिल्ला अधिकारी रामबहादुर कुरुम्बाङले भने, ‘यसबाट अनावश्यक मानिसहरुलाई आवातजावतमा कडाइ गरिएको हो ।’लकडाउनको बेलामा भारतीयहरु लुकिछिपी आउने गरेकोले पनि नाकामै यसरी काँडेतार लगाउनुपरेको प्रजिअ कुरुम्बाङले बताए ।उनका अनुसार अत्यावश्यक गाडीहरु भने सेनिटाइज गरिसकेपछि मात्र गण्डकीमा प्रवेश दिइने व्यवस्था गरिएको छ । सोको लागि स्वास्थ्यकर्मीको टोली समेत त्यहाँ खटाइएको छ ।

मुख्यमन्त्रीको निर्देशनमा जिल्ला सुरक्षा समिति, स्याङ्जाको बैठकले राम्दीमा सशस्त्र प्रहरीको अस्थायी पोष्ट स्थापना गरी चेकजाँचमा कडाइ गर्ने निर्णयसहित वालिङको सशस्त्र प्रहरी बल नेपाल, नं. ३० गुल्मबाट ११ जनाको प्रहरी टोली सीमानाका राम्दीमा खटाइएको हो । त्यहाँ चौबिसै घण्टा प्रहरीले निगरानी राख्नुका साथै चेकजाँच गर्नेछ ।गण्डकी प्रदेश मुख्यमन्त्री एवं कोरोना संकट व्यवस्थापनका लागि गठित उच्चस्तरीय निर्देशन समितिका संयोजक पृथ्वीसुव्वा गुरुङको अध्यक्षतामा शुक्रबार बसेको बैठकले जारी लकडाउनलाई अझै कडाइ गर्ने निर्णय गरेको थियो ।

जसअनुसार एक प्रदेशबाट प्रदेश, जिल्लाबाट जिल्ला र एक पालिकाबाट अर्को पालिकामा जान बन्देज गरिएको हो । यदि कुनै अत्यावश्यक काम परी जानुपर्ने अवस्था आए सम्बन्धित जिल्ला र स्थानीय तहमा नै क्वारेन्टाइनमा राख्ने व्यवस्था मिलाउने निर्णय गरेको थियो ।मालबाहक ट्रक वा अत्यावश्यक सामान ढुवानी गर्ने सवारीसाधनमार्फत अन्य प्रदेशबाट लुकीछिपी आएका मानिस तथा यात्रु ओसारपसार गर्ने सवारीसाधनलाई समेत नियन्त्रणमा राखिने भएको छ ।सुनौली–पोखराअन्तर्गत पर्ने सिद्धार्थ राजमार्गले रुपन्देही, पाल्पा, स्याङ्जा, कास्की जिल्ला छुन्छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width