सिजनको बाँकी प्रिमियर लिग फुटबल प्रतियोगिता सक्न इङ्लिस क्लबहरु सहमत

Avatar एजेन्सी
वैशाख ६, २०७७

यस सिजनको इङ्लिश प्रिमियर लिग फुटबल प्रतियोगिता सक्न क्लबहरु सहमत भएका छन् ।

विश्वव्यापी रुपमा फैलिएको कोरोना भाइरसको महामारीका कारण स्थगित भएको लिगका बाँकी खेलहरु सक्न क्लवहरु सहमत भएका हुन् । भिडियो कन्फरेन्समार्फत बसेको क्लबहरुको बैठकले सिजनको बाँकी खेलहरु सक्न सहमति जनाएका हुन् ।

कोरोनाको संक्रमण फैलन सक्ने भन्दै लिग अप्रिल ३० तारिखसम्म स्थगित गरिएको छ । गत मार्च १३ पछि लिगका कुनैपनि खेल भएको छैन ।

स्थगित लिग सक्न सहमत भएपनि क्लबले लिग सूचारु गर्ने मिति भने तय गर्न नसकेको समाचार छ । यसअघि आगामी जुन ३० तारिखसम्म लिग सक्ने क्लबले योजना बनाएको थियो ।

यद्यपी, कोरोना भाइरस नियन्त्रणमा नआएसम्म लिग सुचारु नगर्ने सहमतिमा पुगेको बताइएको छ । प्रिमियर लिगको नयाँ सिजन अगष्टमा सुरु हुने गर्छ ।

हाम्रो सुझाव