पोखरा । गण्डकी प्रदेशमा बाहिरका मान्छेलाई प्रबेश रोक लगाईएको छ । अरु प्रदेशबाट आउने ब्यक्तिहरुलाई नाकामै रोक्ने र त्यहीँबाट फर्काउने निर्णय गरिएको हो ।
कोरोना, रोकथाम, नियन्त्रण र ब्यवस्थापन सम्बन्धी उच्चस्तरीय समितिको बैठकले प्रदेशभित्रकै एक जिल्ला र अर्को जिल्ला तथा एक स्थानीय तह र अर्को स्थानीय तहमा हुने आवतजावत पनि नियन्त्रण गर्न सम्बन्धित निकायलाई निर्देश गरेको छ ।
कोही लुकीछिपी आवतजावत गरे सम्बन्धित ठाउँमा नै क्वारेन्टानइनमा बस्नैपर्ने बाध्यकारी ब्यवस्था गरिएको छ । यस्तै, लुकिछिपी अत्यावश्यक सेवाका गाडी चढेर कोही प्रदेशमा छिरे गाडीसहित त्यस्ता ब्यक्तिलाई नियन्त्रणमा लिन पनि निर्देशन गरिएको छ ।
प्रदेश भित्रिने गाडीहरुलाई अनिवार्य किटनासक औषधी छर्कन र सम्बन्धित गाडीका चालकको कोरोना परीक्षण गर्ने ब्यवस्था पनि मिलाईएको समितिले जनाएको छ । प्रदेशभित्रका सबै मस्जित, मदरसा, मन्दिर, गुम्बा, चर्च लगायतका धार्मिक स्थल पूर्ण रुपमा बन्द गर्न भनिएको छ भने त्यसको अनुगमन गरेर नियन्त्रण गर्ने निर्णय भएको छ । बजारमा किनमेलका लागि निस्किएकाहरुलाई समेत भीड नगर्न अपिल गरिएको छ ।
बैठकले राहत वितरण एकद्धार प्रणालीबाट गर्ने, जिल्ला र स्थानीय तहमा भएका क्वारेन्टाइनको मापदण्ड पूरा गराउने र आइसोलेसन कक्षहरुलाई कोभिड क्लिनिक बनाउन भनिएको छ । र्यापिड डायग्नोस्टिक टेष्ट (आरडिटी) बाट नेगेटिभ रिजल्ट आएपनि पिसिआरमा पोजिटिभ आउन सक्ने भएकोले २८ दिन अनिवार्य क्वारेन्टाइन वा होम क्वारेन्टाइनमा बस्नुपर्ने ब्यवस्था गरिएको छ ।
प्रदेशभित्रका सबै अस्पतालमा ओपिडिबाहेकका स्वास्थ्य सेवा सूचारु गर्न पनि निर्देशन दिईएको समितिका सदस्य एवं आर्थिक मामिला तथा योजना मन्त्री किरण गुरुङले जानकारी दिए ।
Related News
सम्बन्धित समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
hero news full width
मुख्य समाचार
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१