१. प्रतिनिधिसभाको वैठकले बहुचर्चित एवं बहुविवादित चिकित्सा विधेयक प्रस्तुत भएपछि प्रमुख प्रतिपक्षी नेपाली काँग्रेसले बेल घेराउ गरे । नारा जुलुश गरिरहेकै वेला सभामुख कृष्णबहादुर महराले बहुमतको आधारमा पास भएको भनी जेजसरी घोषणा गरे , त्यो चर्चित र विवादित भएको छ । त्यो विधेयक पेश हुँदादेखि पारित भएको घोषणा गर्दासम्म जम्मा ८ मिनेट लागेको थियो ।
२. सभामुख महरा विधेयकका केही अंश वाचन गर्दा धेरै आत्तिएका थिए, लर्बराएका थिए । त्यो विधेयक जबर्जस्ती पास गराउन सकेकोमा सत्ता पक्षले आफनो बहादुरी सम्झेको छ भने प्रतिपक्षी काग्रेसले घोर आपत्ति जनाएर असन्तोष व्यक्त गरेको छ । त्यो विधेयक अव राष्ट्रिय सभाले पास गरेपछि प्रमाणीकरणका लागि राष्ट्रपतिसमक्ष पठाइने छ ।
३. चिकित्सा शिक्षामा सुधार ल्यउनु पर्ने विषयमा डा. गोविन्द के.सी. को १५औँ अनशनको वेला प्रधानमन्त्री के.पी.ओली को उपस्थितिमा सरकार र डा. के.सी. को सम्झौता भएको थियो । संझौताको एक पक्ष डा.के.सी. १६ औँ पटक अनशन बसिरहेको बेला सरकारले उनीसँग कुनै सल्लाह नै नगरी विधेयक तयार गर्यो ।
४. सरकारले त्यो विधेयकमा डा.के.सी.का संपूर्णप्रायः मागहरु समावेश भएको बताएको छ भने डा.के.सी. अधुरो र अपूरो रहेकोले त्यसलाई स्वीकार्न नसकिने भनी अनशनलाई निरन्तरता दिएका छन् । यस्तो विधेयकले विवाद सुल्झाउनु पनेर्मा झन विवादमाथि विवाद ल्याएको छ । त्यसले सत्तापक्ष र प्रमुख प्रतिपक्षलाई झन टाढा पुर्याएको छ ।
५. प्रधानमन्त्री ओलीले डा.के.सी.सँग त्यसबेला भएको लिखित संझौता त्यसबेलाको परिस्थितिको उपज भनी उद्गार व्यक्त गरेपछि अनेक शंका उत्पन्न भएको थियो । लिखित संझौतालाई त्यसरी पन्छाउनेले अलिखित संझौताहरुलाई के गर्लान् भन्ने प्रश्न पनि उठेको छ । त्यसबाट विश्वासको संकट निम्त्याएको अनुभव पनि गरिएको छ । यस घटनाले भद्रसहमति गनेर्हरुको मन चिसो भएको हुनु पर्दछ ।
६. विधेयकलाई जे जसरी पास गरियो त्यसले संसदीय विकासको अभ्यासमा एउटा नराम्रो नजीर स्थापना गरेको छ । बेल घेरेर नारबाजी गरी असन्तोष व्यक्त गर्नु सांसदहरुको अधिकार हो । सांसदहरुलाई चित्त बुझाएर आआफनो सीटमा बसालेर संसदको कार्यविधि अगाडि बढाउनु सभामुखको काम हो । तर त्यो विधेयक त्यस दिन जे जसरी पास गराइयो त्यो कदापि राम्रो होइन ।
७. त्यसैकारण प्रतिपक्षले त्यसलाई निरङ्कुशता भनेको हो । त्यसले सभामुखलाई पनि सत्ता पक्षको लाचार छाया भनी आरोप लगाएको छ । कुनै दिन दमन ढुङ्गाना सभामुख हुँदा उनले सरकार सत्तापक्षको संसद प्रतिपक्षको भनी व्याख्या गरी प्रतिपक्षलाई प्रोत्साहन गरेका थिए । तर अहिले प्रतिपक्षलाई दबाउने र वास्ता नै नगर्ने जुन परिपाटी बसाउन खोजियो , त्यो निश्चय नै आपत्तिजनक छ र त्यस्तो परिपाटीले संसदीय अभ्यासको स्वच्छ विकासमा बाधा गर्ने छ । त्यो कुरा भोलि सत्तापक्षलाई खट्कने छ । खेलको नियम भए झैँ संसद सञ्चालनको पनि आफनै नियम छ । त्यो नियमको सवैले पालन गर्नु अनिवार्य छ । त्यसमा पनि सभामुख चनाखो र निष्पक्ष हुनु अरु आवश्यक हुन्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१