हाम्रो भूमिमा विदेशी फौजको उपस्थिति अस्वीकार्य

सम्पादक
असार २, २०७९

देश अहिले कठिन मोडबाट गुज्रदै छ । भोलि कहाँ के हुन्छ भन्न सक्ने स्थिति छैन । राजनीतिक नेताहरु सिद्धान्तलाई भन्दा स्वार्थलाई बढी महत्व दिएर काम गरिरहेका छन् । उनीहरु आपसमा मिल्न नसक्दा पूर्ण बहुमतको सरकार टिक्न सकेन । संसदमा कसैको पनि बहुमत नभएकोले गठबन्धनको सरकारले काम गरिरहेको छ । आर्थिक क्षेत्रमा व्यापार घाटा बढ्दै गएकोले विदेशी मुद्राको सञ्चिति घट्दो छ । त्यसलाई कसरी रोक्ने भन्ने उपाय सरकारसँग छैन । अर्थमन्त्री जनार्दन शर्मा विवादमा तानिएका छन् । उनले आर्थिक क्षेत्र सुधार्ने कुनै आशा गर्ने ठाउँ छैन । देश संवेदनशील अवस्थामा पुगेको छ । एउटा सानो विवादले उग्ररुप लिन्छ । शंकै शंकाले लंका जलाउँछ भनेझैं भएको छ । अमेरिकाको एमसिसी विवादले नेपालीहरु नराम्ररी विभाजित भएका थिए । त्यो परियोजना संसदबाट पारित भएको छ । त्यसले एउटा समधान पाएको छ । अब फेरि अमेरिकाले सैन्य साझेदारीको अर्को प्रस्ताव सरकारसमक्ष प्रस्तुत गरेको समाचार आएको छ । अमेरिकाको त्यो प्रस्तावले तीव्र प्रतिक्रिया उत्पन्न गरेको छ ।

एकातिर प्रधानमन्त्री शेरबहादुर देउवाको निकट भविष्यमा अमेरिकाको भ्रमणको कार्यक्रम बन्नु अर्कोतिर सैन्य साझेदारीको प्रस्ताव बाहिर आउनुलाई नेपालीहरुले गम्भीरतापूर्वक लिएका छन् । स्टेट पार्टनरसिप प्रोग्रामको नाममा सम्झौताको मस्यौदाले नेपालीहरुलाई झस्काइ दिएको छ । सरकारले यसलाई सामान्य किसिमले लिन खोजेको देखिन्छ । परराष्ट्रमन्त्री डा. नारायण खड्काले यसलाई मानवीय सहयोगका लागि बनेको कार्यक्रम भनेका छन् । तर यो सामान्य कार्यक्रम होइन र यसलाई सामान्य किसिमले लिनु हँुदैन । यसलाई सामान्य किसिमले लिनुहँुदैन । यस कार्यक्रमअन्तर्गत अमेरिकी फौज नेपाल आउने जुन कुरा छ, त्यही नै सबभन्दा ठूलो आपत्ति हो यसलाई कुनै पनि नेपालीले स्वीकार्न सक्दैन ।

त्यस कार्यक्रमभित्र के के छन् ? त्यो हेर्न हामीले आवश्यक सम्झेनौं । अमेरिकी फौज नेपालमा बस्न आउने कुरा नै हाम्रा लागि त्याज्य विषय हो । विदेशी फौज आएर हाम्रो भूभागमा बस्दा त्यसको परिमाण के हुन्छ भन्ने कुरा हामीले लिपुलेक, लिम्पियाधुरा र कालापानीबाट सिकिसकेका छौं । अब फेरि त्यस्तै इतिहास दोहो¥याउने दुस्प्रयास कसैले गर्नुहुँदैन । यसमा हामी सरकारलाई सजग र सतर्क पार्न चाहन्छौं । सरकारमा बस्ने मन्त्रीहरु र गठबन्धन पार्टीका नेताहरुले त्यो प्रस्ताव स्वीकारेमा त्यो अक्षम्य भूल हुनेछ । नेपाल शान्ति प्रिय देश हो । हामी स्वतन्त्र र तटस्थ बस्न चाहन्छौं । तानातानको जुन अभ्यास यहाँ हुन लागिरहेको छ । त्यो आपत्तिजनक छ । त्यो नेपालीलाई स्वीकार्य छैन । तानातानको त्यो बेलामा हामीले पनि आफ्नो राष्ट्रियता देखाउनु पर्दछ यता पक्ष र उता पक्ष लागेर हाम्रो राष्ट्रियताको निर्वाह हुँदैन । हामी नेपाली हौं र नेपाली नै रहनु पर्दछ । त्यसैमा हाम्रो राष्ट्रिय पहिचान निहित छ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width