ट्रम्प-जोङ शिखर वार्ता

१. आज अमेरिकी राष्ट्रपति डोनाल्ट ट्रम्प र उत्तर कोरियाली सवोर्च्च नेता किम जोङ-उनबीच सिंगापुरमा शिखर वार्ता हुन गइरहेको छ। यो शिखर वार्तामा कोरियाली प्रायःदीपको शान्ति स्थापनाका बारेमा महत्वपूर्ण वार्ता हुनेछ। यो वार्ता यत्ति महत्वपूर्ण भएको छ कि विश्वका मानिसहरुको ध्यान सिंगापुरतिर गएको छ।

२. उत्तर कोरिया र दक्षिण कोरियाबीच सन् १९५० देखि १९५३ सम्म युद्ध भएको थियो। उत्तर कोरियामा कम्युनिष्ट शासन छ भने दक्षिण कोरियामा लोकतन्त्र छ। तिनीहरुका बीच लामो समयदेखि युद्धविराम लागू भएको छ। युद्ध विरामको बेला तिनीहरुले कहिलेकाहीँ एक देशका नातेदारहरुलाई अर्को देशका नातेदारहरुसंग भेट्न दिने गरेका छन्।

३. उत्तर कोरियाले धमाधम आणविक हतियार परीक्षण गर्ने र उता दक्षिण-कोरिया र अमेरिकाले कहिलेकाहीँ संयुक्त सैनिक अभ्यास गर्ने गर्दछन्। तिनीहरुको त्यस कार्यले एक अर्काप्रति आशंका र शत्रु भावना बढाउने गरेका छन्। केही समयदेखि तिनीहरुका बीच तिक्तता अरु बढ्दै गएको थियो।

४. दक्षिण कोरियाले हिड्डे ओलम्पिकको आयोजना गर्दा त्यस बेला दक्षिण कोरिया र उत्तर कोरियाले संयुक्त मार्च पास गरे। कोरियाली झण्डामुनि रहेर तिनीहरुले खेलेको खेलले तिनीहरुको सरकारलाई नजिक ल्याउन सघाउ पुर्‍यायो। दुवै देशको सवोर्च्च नेताहरुबीच भेटघाट भयो। त्यो भेटघाटले शान्तिको लागि एउटा आशा जगायो।

५. त्यसैको परिणाम आज अमेरिकी राष्ट्रपति ट्रम्प र उत्तर कोरियाली सवोर्च्च नेता किम जोङको शिखर वार्ता सम्भव भएको हो। यो वार्ताको मुख्य उद्देश्य लामो समयदेखि भइरहेको यद्धविरामलाई शान्ति प्रक्रियामा परिणत गर्नु हो। त्यो वार्तालाई मानिसहरुले आशा, भरोसा, शंका उपशंका हरेक दृष्टिले हेरिरहेका छन्।

६. अमेरिकी राष्ट्रपति ट्रम्प यस्तो नेताको रुपमा विश्वरंगमञ्चमा आएका छन् कि उनले कुन बेला के भन्छन् र के गर्छन्, त्यो धेरैले अनुमान नै गर्न सक्दैनन्। त्यस्तै उत्तर कोरियाली नेता जोङ पनि अधिकांश समय आफ्नै देशमा रहने गरेका र संयुक्त राष्ट्रसंघको आग्रहलाई समेत वास्ता नगरी धमाधम आणविक हतियार परीक्षण गर्ने गरेकाले उनको विषयमा पनि कसैले केही अनुमान गर्न सक्दैनन्।

७. ज्यादै संवेदनशील अवस्थामा शिखर वार्ता हुन गइरहेको छ। यो वार्ता सम्पन्न हुनुपर्दछ भनेर दक्षिण कोरियाली राष्ट्रपति, सिंगापुरका प्रधानमन्त्री लगायतका नेताहरु लागिपरेका छन्। यसमा चीनको पनि शुभेच्छा छ। वातावरण सौहार्दपूर्ण छ। यो वार्तालाई सफल पारेर ऐतिहासिक बनाउनु पर्दछ। ताकि केरियाली प्रायद्वीपमा भय र त्रासको वातावरण हटोस् र शान्ति तथा समृद्धिको अवसर आओस्, यही सबैको शुभकामना छ।

अन्य समाचार

तिब्बती शरणार्थी समस्यामा ध्यान देऊ

१. प्रधानमन्त्री के.पी. ओलीको चीन भ्रमणको तालिका प्रकाशित गरिएको छ। प्रकाशित तालिका अनुसार प्रधानमन्त्री ५ गते त्यसतर्फ प्रस्थान गरेर ९ गते स्वदेश र्फकने छन्। यसबीच उनी चीनको स्वशासित क्षेत्र तिब्बतको भ्रमण गरी त्यहाँको विकास अवलोकन गर्ने र तिब्बती नेताहरुसँग भेटघाट गर्ने कार्यक्रम पनि निर्धारण गरिएको छ। २. प्रधानमन्त्री ओलीको चीन भ्रमणमा नेपालले उठाउनु पर्ने विषयहरुमा व्यापक छलफल विचार विमर्श भइरहेका छन्। कूटनीतिक क्षेत्रका विज्ञहरुदेखि लिएर राष्ट्र र राष्ट्रियताको क्षेत्रमा खरो रुपमा कुरा राख्नेहरुले पनि आ-आफ्ना अभिव्यक्तिहरु व्यक्त गरिरहेका छन्। यो क्रम जारी छ। शायद् ५ गतेसम्म यो क्रम चलिरहन्छ। ३. यतिञ्जेल धेरैले धेरै बोले र धेरै लेखेका पनि छन्, तर…

गंगामायाको आमरण अनशन

१. देशमा अहिले सबै हतारमा छन्। कोही कसैलाई फुर्सद छैन। सबै विकास र समृद्धिका लागि कार्यरत छन्। केन्द्रीय सरकार, प्रदेश सरकार र स्थानीय सरकार सबै त्यसैमा व्यस्त छन्। नेताहरु पनि विकास, निर्माण र समृद्धिका मीठामीठा कुरा सुनाउँदै सबैलाई मख्ख पारिरहेका छन्। २. यस्तो चटारोको बेला कोही-कोही त्यसै अल्मल्याउन खोज्ने र बाटो छेके झै गर्ने गर्दछन्। तर यो देश अब कसैले अल्मल्याएर अल्मलिने अवस्थामा छैन र कसैले बाटो छेक्यो भनेर चुपचाप बस्ने अवस्थामा छैन। यसले एउटा निश्चित गति लिएको छ र…