पोखरा, १ माघ। पृथ्वीनारायण क्याम्पसका निवृत्त सह–प्राध्यापक रामगोपाल ढेवाजूलाई मातृशोक परेको छ।

उनकी ममतामयी आमा लक्ष्मीश्वरी ढेवाजूको ७८ वर्षको उमेरमा मणिपाल शिक्षण अस्पतालमा आइतबार निधन भयो। उनी केही समयदेखि दम रोगबाट पीडित थिइन्।

वृद्धभत्तावापत आफूले प्राप्त गरेको रकम बालगोपाल भजनकीर्तन सेवा समिति कुँडहरलाई अर्पण गर्दै आएकी लक्ष्मीश्वरी ढेवाजू सहनशील, मिलनशील, दयालु र परोपकारी स्वभावकी थिइन्। उनको आइतबार नै पोखरा–१० स्थित रामघाटमा दाहसंस्कार भयो।

उनका एक छोरा रामगोपालसहित एक छोरी, तीन नाति र पाँच नातिनीहरु रहेका छन्। लेखकसमेत रहेका रामगोपाल ढेवाजु भद्रकाली माध्यमिक विद्यालय कुँडहरका सल्लाहकार तथा सेण्ट मेरिज स्कूल व्यवस्थापन समितिका सदस्य हुन्।