पोखरा, ५ फागनु। पोखरा उद्योग वाणिज्य संघका अध्यक्ष दामु अधिकारीले आफूबाट मनोनित ४ जना सदस्यलाई आइतबार पद तथा गोपनीयताको सपथग्रहण गराएका छन्।
अध्यक्ष अधिकारीले पोखरा उद्योग वाणिज्य संघको विधानको धारा ६.१.१ (ड) ले दिएको अधिकार प्रयोग गरी साधारण सदस्यहरुबाट ४ जनालाई कार्यसमिति सदस्यमा मनोनित गरेका हुन्।
सपथग्रहण समारोहमा संघका दुई तिहाई सदस्यहरु भने अनुपस्थित रहेका थिए। संघका बरिष्ठ उपाध्यक्ष नारायण कोइरालाले संघका दुई तिहाई सदस्यहरुले अध्यक्षबाट भएको मनोनयन प्रक्रियाप्रति लिखित असहमति जनाउँदै ‘नोट अफ डिसेन्ट’ लेखेको स्मरण गर्दै सपथग्रहण कार्यक्रमप्रति असन्तुष्टी प्रकट गरे।
संघका महासचिव अजुर्न पोखरेलका अनुसार कार्यसमितिको दुई तिहाई सदस्यबाट माघ २९ गते अध्यक्षबाट भएको मनोनयनमा ‘परम्परा र प्रक्रिया’ नपुगेको भन्दै, ‘संघको विधानको परिच्छेद ६.३.२ अनुसार बैठकमा छलफल हुनुपर्ने विषय तोकी एक दिन अगावै सूचना गर्नुपर्ने स्पष्ट प्रावधान भएकोमा बैठकमा एजेण्डामा नै नल्याइकन विविध विषयअन्तर्गत अध्यक्षले आफूमा निहित अधिकार हो भनी विधि र परम्परालाई लत्याउँदै पदाधिकारी बैठक एवं कार्यसमितिको बैठकमा छलफल नै नगराई हचुवा र एकतर्फी ढंगबाट चार सदस्यको मनोनित गरेको आरोप लगाए।
आइतबार सपथ लिएका दि कुटी रिसोर्टका संचालक देवेन्द्र केसीले २०७५ श्रावण २९ गते संघको सदस्यता लिएका थिए भने प्रशिम एग्रो फर्म हाउसका संचालक शिवराज आचार्यले २०७४ फागुन २९ गते संघको सदस्यता प्राप्त गरेका थिए।
संघको विधानको ९.३.१ मा संघको सदस्य पदको उम्मेदवार हुन कम्तिमा २ वर्ष अगाडि साधारण वा कपोर्रेट सदस्य हुनुपर्ने व्यवस्था छ भने विधानको ९.३.३ मा ‘कार्यसमितिको सदस्य पदमा उम्मेदवार हुन २५ वर्ष उमेर पूरा गरेको। साधारण सदस्य भएको २ वर्ष पूरा भएको हुनुपनेर्छ’ भन्ने व्यवस्था रहेको छ।
महासचिव पोखरेलका अनुसार संघको विधानको सोही प्रावधान अनुसार गएको निर्वाचनमा उम्मेदवारी दिएका शोभा गौतम र रामप्रसाद गौतमको उम्मेदवारी निर्वाचन समितिले खारेज गरिदिएको थियो।
Related News
सम्बन्धित समाचार
सुजल फुड्सको ‘चोकोफन जोय’ बजारमा
लगानी सम्मेलनको दुईदिने कार्यतालिका सार्वजनिक
निर्माण व्यवसायी संघ कास्कीमा लिलकाजी
आलु महोत्सवमा पशुबाली स्वास्थ्य शिविर
आलु महोत्सवमा दर्शक सहभागिता बढ्दो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१