पोखरा, २८ पुस। नेपाल रेडक्रस सोसाइटी पोखरा–१२ उपशाखाको ११ औं साधारणसभा शनिवार सम्पन्न भएको छ।
साधारणसभाले अध्यक्ष सूर्यप्रसाद आचार्यले प्रस्तुत गरेको वार्षिक र कोषाध्यक्ष गोविन्दप्रसाद घिमिरेले प्रस्तुत गरेको आर्थिक प्रतिवेदन पारित गरेको छ।
त्यस अवसरमा संस्थाका ज्येष्ठ आजीवन सदस्य खिमलाल पराजुलीसहित रक्तदान कार्यक्रममा सहयोग गर्ने मार्गदर्शन एकेडेमीका संचालक पूरन श्रेष्ठ र नर्सिङ क्याम्पस पोखराकी स्ववियु सभापति अनामिका बस्नेतलाई सम्मान गरिएको थियो। त्यस्तै, संस्थाका २५ जना विशिष्ट सदस्यलाई पनि सम्मान गरिएको थियो।
साधारणसभा उद्घाटन गर्दै नेपाल रेडक्रस सोसाइटी कास्कीका उपसभापति कृष्ण तिमिल्सिनाले रेडक्रस सरकारको सहयोगी संस्था भएको बताए। उनले रेडक्रसले मानव सेवाको संस्कार सिकाउने उल्लेख गरे।
पोखरा–१२ का वडाध्यक्ष रामबहादुर कार्कीले विपत्को बेला रेडक्रस र संचारमाध्यमले निर्वाह गर्ने भूमिकाको प्रशंसा गरे। उनले रेडक्रसको विकास र विस्तारका लागि सहयोग गर्न वडा कार्यालय सदैव तत्पर रहने बताए।
कार्यक्रममा अमरसिंह माविका प्रधानाध्यापक तेजस्वी बराल, आदर्श समाज दैनिकका कार्यकारी सम्पादक नवीन सिग्देल र मार्गदर्शन एकेडेमीका संचालक पूरन श्रेष्ठले बोलेका थिए।
नेपाल रेडक्रस सोसाइटी पोखरा–१२ उपशाखाका अध्यक्ष सूर्यप्रसाद आचार्यको अध्यक्षतामा भएको कार्यक्रममा उपकोषाध्यक्ष हरिश्चन्द्र सिग्देलले स्वागत र सचिव कुश्मराज आचार्यले संचालन गरेका थिए।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१