‘नीरमाया’ एकैदिन तीन शो

आदर्श समाज सम्वाददाता
माघ ६, २०७५
Natak SUN MAYA_Fotor

पोखरा ५ माघ । पोखरामा मञ्चन भइरहेको नाटक निरमाया एकै दिन तीन शो मञ्चन भएको छ । नाटक हेर्ने दर्शकको संख्या बढ्दा शनिबार तीनवटा शो मञ्चन गर्नुपरेको पोखरा थिएटरले जनाएको छ।

शनिबार विहान १० बजे, दिउँसो १ बजे र साँझ पौने पाँच बजे नाटक मञ्चन गरिएको थियो । शनिबार चलचित्र रणवीरको प्रमोसनका लागि पोखरा आएका निर्माता तथा कलाकारसमेत पोखरा थिएटर पुगेका थिए । नाटक हेरेपछि प्रतिक्रिया दिदै चलचित्र रणवीरकी नायिका सुपुष्पा भट्टले नाटक राम्रो लागेको प्रतिक्रिया दिइन् । ‘नाटक राम्रो रहेछ, मलाई साह्रै मनपर्यो’ उनले भनिन्। नाटक हेर्नका लागि भनेर पोखरा बाहिरबाटसमेत दर्शकहरु आउन थालेको पोखरा थिएटरका अध्यक्ष समेत रहेका निदेर्शक परिवर्तन कार्कीले बताए । ‘नाटक हेर्नकै लागि पोखरा आउनेक्रम बढ्दै छ,’ उनले भने, ‘यसबाट हामी उत्साहित बनेका छौ ।’

नाटक हेरिसकेका दर्शकको सन्तुष्टिको कारण भएको प्रचारप्रसारका कारण नयाँ पुस्तालाई समेत थिएटरले आर्कषण गरिरहेको कलाकार प्रकाश घिमिरे बताउँछन् । ‘विस्तारै पोखराको नाट्य क्षेत्र व्यवसायिक तरिकाले नै अगाडि बढ्ने आशा थपिएको छ’ उनले भने ।

पौष २७ गतेबाट मञ्चन शुरु भएको नाटक माघ १२ गतेसम्म मञ्चन हुनेछ ।  एक घण्टा ४० मिनेट अवधिको नाटकले नाटक हेर्न पुगेका दर्शकको मन जितिरहेको छ । यो नाटक वरिष्ठ साहित्यकार सरुभत्त श्रेष्ठले झण्डै ३० वर्ष अगाडि लेखेका हुन् । गरिब, शोषित, दलित, यौनपीडित समाजको नाङ्गो यथार्थलाई अभिव्यक्त गर्ने अभिप्राय बोकेको नाटक निरमायाले दर्शकलाई मनोरञ्जनसँगै सन्देशसमेत दिन्छ। नाटकका निदेर्शक परिवर्तन कार्की हुन् । नाटकमा प्रकाश घिमिरे, प्रमिला तुलाचन, बबिता मल्ल ठकुरी, अञ्जु दाहाल, रमेश बाबु तिम्सीना, निश्चल विमल, सुर्य सुवेदी, नवराज गिरी, रेवन राई, देव बस्नेत, गोविन्द रमण पराजुली, सन्दिप पाण्डे, ईश्वर कार्की, सोनिया कार्की, प्रतिक घिमिरे, मनिषा थापा, पार्वती थापा, धनबहादुर गायक, हरिबहादुर परियार, विनोद गायक, सौरभ तिम्सिना, विश्वराज पौडेल, विष्णु तिम्सिना आदि कलाकारको अभिनय हेर्न पाइन्छ ।

पोखरा थिएटरको प्रस्तुतीमा मञ्चन भएको भने यो पाँचौ नाटक हो । नाटक हेर्न २ सय, ३ सय र ५ सयको टिकट लाग्ने पोखरा थिएटरका सञ्चालक दिलप्रसाद गुरुङले जनाए । हालसम्म गन्धर्व नाटकघर संचालन भएपछि यहाँ निरमायासहित २३ वटा नाटक मञ्चन भए ।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width