गोर्खाका बानियाले छैटौं संस्करणको अर्मलाको पर्वतीय दौड जिते

नारायण शाही
फागुन १, २०७५
Aarmala parbatiya daud

पोखरा, २९ माघ ।पोखरा १६ स्थित अर्मलामा सम्पन्न छैटौ्र संस्करणको पर्वतीय दौडमा गोर्खाका कल्याण बानियाले बाजी मारेका छन । उनले पहाडी बाटोको १० किलो मिटरको दुरीलाई बानियाले ४४.१७ मिनेटमा पूरा गर्दै मेडर र प्रमाणपत्रसहित नगद १५ हजार प्राप्त गरे ।

यसैगरी, ओखलढुङ्गाका सुवास कार्कीले उक्त दूरी ४४.३८ मिनेटमा पूरा गर्दै दोस्रो भए । उनले प्रमाणपत्र र मेडलसहित नगद १० हजार र रुकुमका राज बुढाले ४४.५६ मिनेटमा दूरी पार गर्दै तेस्रो भए । बुढाले नगद ५ हजारका साथमा मेडल र प्रमाणपत्र पाए ।

श्रीपञ्चमीका अबसरमा अर्मलामा लाग्ने विशेष मेला तथा अन्य खेलकुदमा पुरुष भलिबलतर्फ लेब्री परिवार प्रथम हुँदै नगद ५० हजारका साथमा रनिङ कप, मेडल र प्रमाणपत्र प्राप्त गरेको छ । त्यसैगरी, पोखरा भलिबल ट्रेनिङ सेन्टरले दोश्रो स्थान हासिल गर्दै नगद २५ हजारका साथमा मेडल, कप र प्रमाणपत्र प्राप्त गरेको छ ।

विजयी टिम तथा खेलाडीलाई गण्डकी प्रदेश सांसदहरु कृष्ण थापा र सांसद मिना गुरुङले नगद, मेडल र प्रमाणपत्र वितरण गरे । कार्यक्रममा विविध सांस्कृतिक कार्यक्रम, पराम्परागत खेल छेलो फाल्नेलगायतका कार्यक्रमहरु गरिएको आयोजक दुर्गा युबा क्लबका सचिब अन्तिम गुरुङले जानकारी दिए

Related News

सम्बन्धित समाचार

hero news full width