चर्चामा डीपीएल, विजेतालाई ३० लाख

rss रासस
माघ २५, २०७५

चर्चामा डीपीएल, विजेतालाई ३० लाख

काठमाडौँ, २४ माघ । धनगढीमा यही माघ २६ देखि फागुन ११ गतेसम्म हुने तेस्रो संस्करणको धनगढी प्रिमियर लिग (डीपीएल) क्रिकेट प्रतियोगिताको विजेताले ३० लाख पाउने भएको छ। आयोजक धनगढी क्रिकेट एकेडेमीका अध्यक्ष सुवास शाहीले विगतका संस्करणझैँ यसपटक पुरस्कार सर्वाधिक धनराशिको रहने जानकारी दिए।

उनले प्रतियोगिताको पुरस्कार राशिमा २० प्रतिशत बढाइएको बताउँदै प्रतियोगिताको कूल पुरस्कार राशि ६० लाख रहेको बताए। त्यसमा विजेताले रु ३० लाख, उपविजेताले १२ लाख, तेस्रो हुनेले रु चार लाख तथा चौथो हुने टोलीले रु दुई लाख पाउनेछन्।

आयोजकका अनुसार मैदान तथा प्राविधिक व्यवस्थापनको काम लगभग सकिएको छ। “मैदान तथा पाँचवटा पिच निर्माण सम्पन्न भइसकेको छ। प्रतियोगिता आयोजनाका विभिन्न समितिले पनि आआफ्ना जिम्मेवारी कुशलतापूर्वक निर्वाह गरिरहेका छन्”, उनले भने।

“क्रिकेटलाई अझ योजनाबद्ध र व्यावसायिक हिसाबले लैजान धनगढी क्रिकेट एकेडेमी (डिसिए) जहिलै नयाँ योजनाका साथ आउने गरेको छ, सोही परिवेशमा शहर केन्द्रीत ‘फ्रेन्चाइज’ सोचको क्रिकेटलाई थप परिस्कृतरूपमा अगाडि बढाइरहेका छौँ।” अन्तराष्ट्रिय क्रिकेट परिषद् (आइसिसी)बाट मान्यता प्राप्त प्रतियोगिता डिपिएल–३ मा धनगढी स्टार्स, रुपेन्देही च्यालेन्जर्स, महेन्द्रनगर यूनाइटेड, सिवाइसी अत्तरिया, काठमाडौँ गोल्डेन्स र विराटनगर किङ्ग्सको सहभागिता रहनेछ। सबै टोलीमा १२ ‘अक्सन’बाट लिइएका खेलाडी (स्थानीयसहित), एक रणनीतिक खेलाडी र दुईजना विदेशी खेलाडी रहने छन्।

प्रतियोगिताको गोल्डस्टार मोष्ट भेल्युएवल प्लेयरलाई गोल्डस्टार सुनको जुत्ता दिइनेछ। प्रत्येक खेलका नबिल बैंक म्यान अफ द म्याचलाई रु १५ हजार, म्यान अफ द सिरिज, वेस्ट ब्याट्सम्यान र बेस्ट बलरलाई समेत उचित पुरस्कारको व्यवस्था गरिएको जानकारी दिइयो।

प्रतियोगिता सम्पन्न गर्न रु पाँच करोड लागत खर्च हुने आयोजकको अनुमान छ। पहिलो संस्करणको डिपिएलको बजेट रु एक करोड ८२ लाख थियो भने कूल पुरस्कार २८ लाख ५० हजार थियो। यस्तै दोस्रो संस्करणमा रु तीन करोडको लागतमा प्रतियोगिता सम्पन्न भएको थियो, जसमा विजेतालाई रु २५ लाखसहित कुल ५० लाख पुरस्कार प्रदान गरिएको थियो।

यसैबीच, पहिलो खेल माघ २६ गते शनिबार दिउँसो १ बजे शुरु हुनेछ। त्यसअघि उद्घाटन कार्यक्रम रहनेछ। प्रतियोगिता टि–२० को आधारमा हुनेछ। लिग चरणमा प्रत्येक टिमले एकापसमा एक–एक खेल खेल्ने छन्। शीर्ष चार टोली प्ले–अफमा पुग्नेछन्। त्यसमा पहिलो र दोस्रो हुने टिमको विजेता फाइनल पुग्नेछ। त्यसमा पराजित हुने टोलीले तेस्रो र चौथो हुने टिमसँगको विजेतासँग फाइनल प्रवेशको लागि खेल्नेछ।

दोस्रो संस्करणमा झैँ यस संस्करणमा पनि प्रतियोगिताको उद्घाटन समारोहमा डिसिएले राष्ट्रिय तथा अन्तराष्ट्रिय प्रतियोगितामामा सहभागी एक पूर्व खेलाडीलाई ‘धनगढी क्रिकेट सम्मान‘ तथा नेपाली क्रिकेटमा महत्वपूर्ण योगदान दिने एक व्यक्तिलाई ‘अर्जुन खड्का स्मृति सम्मान’ स्वरुप रु एक/एक लाखको पुरस्कार प्रदान गरिने आयोजकले जनाएको छ।

डिपिएल ‘होटल डिभोटी एसपीए कप’ र नेपालमै पहिलो पटक खेलाडीको अक्सन प्रक्रियाद्वारा आयोजित ‘सगरमाथा सिमेन्ट धनगढी क्रिकेट लिग’को मर्जरको नयाँ स्वरुप हो। एसपिए कपको शुरुआत सन् २०१० मा गरिएको थियो।

सडकमा भ्वाङ् पर्दा यातायात अवरुद्घ

आदर्श समाज सम्वाददाता
माघ २५, २०७५
सडकमा भ्वाङ् पर्दा यातायात अवरुद्घ
हेमजा, २४ माघ । हेमजा मेलबोटस्थित माछापुच्छे« गाउँपालिका जाने सडकका विहीवार दिउँसो भ्वाङ् परेपछि करीब २ घण्टा यातायात अवरुद्घ भएको छ । डोजर सहायताले सो भ्वाङ् पुरेपछि यातायात सुचारु गर्नुपर्यो । सो सडकखण्डमा अझै पनि स–साना भ्वाङ भने अझै देख्न सकिन्छ । उक्त बाटोसँगै घर जोडिएका महेश केसीले भ्वाङ परेसँगै आफ्नो घर तथा बाटो जोखिममा परेको बताए । उनले चार/पाँच दिन अघि पनि सो ठाउँमा त्यस्तै घटना भएको र त्यत्तिबेला डोजरको सहायताले पुरी यातायात सुचारु गरेको जानकारी दिए । अर्का स्थानीय राजकुमार कुँवरले गत वर्ष मेलबोटकै लक्ष्मी पौडेलको जग्गामा पनि भ्वाङ् परेको स्मरण गर्दै हेमजा क्षेत्र पनि भौगोलिक हिसाबले जोखिमयुक्त रहेको बताए । मेलबोटवासीले सो समस्यामा गम्भीर…

उद्यमशील किशोरीलाई लेखा तालिम

एजेन्सी
माघ २५, २०७५
उद्यमशील किशोरीलाई लेखा तालिम
पर्वत, २४ माघ। उद्यमी युवा महिलाका लागि मोदी गाउँपालिका—६ डिमुवामा सञ्चालित तीनदिने सहकारी लेखा व्यवस्थापन तालिम सम्पन्न भएको छ। कुखुरा पालन, तरकारी खेती लगायतका क्षेत्रमा क्रियाशिल उद्यमशिल बनेका किशोरीलाई सहकारीमा आवद्ध गराई संस्थागत रूपमा तालिम सञ्चालन गरिएको हो। इन्प्रेड नेपाल पर्वतले प्लान इन्टरनेशनल नेपालको सहयोगमा सञ्चालन गरेको युवा महिला शसक्तिकरण परियोजना अन्तरगत सञ्चालित तालिममा मोदी गाउँपालिका वडा ६, ७ र ८ का २० जना उद्यमी किशोरीले सहभागिता जनाएका थिए। तालिम प्र्रशिक्षक राष्ट्रिय सहकारी बैंकका सञ्चालक रामबहादुर जिसीले सहकारीलाई शुरु देखि…