ग्रामप्रकाशमा सम्मान

ग्रामप्रकाशमा सम्मान

आदर्श समाज सम्वाददाता
माघ २९, २०७५

हेमजा, २८ माघ। हेमजास्थित ग्रामप्रकाश आधारभूत विद्यालयको ६० औं अभिभावक दिवस तथा पुरस्कार वितरण समारोह सोमवार सम्पन्न भयो। त्यस अवसरमा पढाइ उत्सवसमेत भयो ।

प्रमुख अतिथि वडाध्यक्ष शोभाकर तिम्सिनाले बालबालिकाले सजिलै शिक्षा प्राप्त गर्न पाउनुपर्ने जनाउँदै कतिपय सामुदायिक विद्यालयमा विद्यार्थी संख्याभन्दा बढी शिक्षक भएको भन्दै गुनासो गरे।उनले विद्यार्थी संख्या आधारमा विद्यालय खाजा कार्यक्रमलाई सहयोग गर्ने प्रतिबद्घता पनि व्यक्त गरे।

सो अवसरमा स्रोतव्यक्ति भीमराज शर्मा पौडेल, हिमालय बौद्घ फाउन्डेसनका सल्लाहकार रामचन्द्र त्रिपाठी, समाजसेवी मधुसुदन त्रिपाठी, देवकृष्ण पौडेल, भूतपूर्व अध्यक्ष धर्मजंग कुँवर, अभिभावक नारायणप्रसाद पौडेल लगायतले पनि भनाइ राखेका थिए।

उनीहरुले विद्यालय खाजा कार्यक्रमलाई प्रभावकारी बनाउनुपर्ने तथा शैक्षिक गुणस्तर बढाउनुपर्ने सुझाव दिए।

कार्यक्रमबीच स्थानीय कुलचन्द्र बास्तोलाले खाजा कार्यक्रम अक्षयकोषमा ४० हजार सहयोग गरेका थिए।

कार्यक्रममा विभिन्न व्यक्ति एवं संघसंस्थालाई सम्मान गरियो । सम्मानित हुनमा शिक्षक अभिभावक संघका पूर्व अध्यक्ष धर्मजंग कुँवर, भूपू अध्यक्ष नारायणप्रसाद पौडेल, भूपू प्रअ जान्हवी त्रिपाठी र राधिका कुँवर, विद्यालयका अध्यक्ष नगेन्द्रराज पौडेल, हिमालय बौद्घ फाउन्डेसनका अध्यक्षकुमार गुरुङ, वडाध्यक्ष शोभाकर तिम्सिना, स्थानीय गंगादेवी पौडेल, समाजसेवी रामचन्द्र त्रिपाठी, तिलबहादुर भुजेल, खिममाया अधिकारी, दया सापकोटा, नेपाल जापान एजुकेशन सपोर्ट क्लब रहेका छन्। त्यस्तै वर्ष अभिभावकबाट सम्झना थापा सम्मानित भइन् ।

प्रधानाध्यापक मनहरि तिम्सिनाले विद्यालयको समग्र अवस्थाबारे प्रकाश पादै खाजा कार्यक्रम संचालनपछि स–साना विद्यार्थी पनि नियमित विद्यालय आउने गरेको बताए। उनले विद्यालयमा फर्निचरको अवस्था नाजुक रहेको पनि औँल्याएका थिए।

विद्यालय व्यवस्थापन समिति अध्यक्ष नगेन्द्रराज पौडेलले विद्यालयले शैक्षिक गुणस्तरलाई प्राथमिकतामा राखेको भनाइ राखे।

पौडेलको अध्यक्षतामा संचालित उक्त कार्यक्रममा शिक्षिका इन्दिरा लम्सालले स्वागत तथा शिक्षक प्रेमबहादुर कुँवरले संचालन गरेका थिए।

‘शिक्षाको लगानीले प्रतिफल आएन’

आदर्श समाज सम्वाददाता
माघ २९, २०७५
‘शिक्षाको लगानीले प्रतिफल आएन’
लमजुङ, २८ माघ। गण्डकी प्रदेशका मुख्यमन्त्री पृथ्वीसुब्बा गुरुङले शिक्षामा राज्यले गरेको लगानी अनुसार प्रतिफल नआएकोमा चिन्ता व्यक्त गरेका छन्। सुन्दरबजार–६ स्थित सयपत्री आवासीय माविको ३४औं वार्षिकोत्सव तथा अभिभावक दिवस समारोह सोमबार उद्घाटन गदै मुख्यमन्त्री गुरुङले त्यस्तो चिन्ता व्यक्त गरेका हुन्। राज्यको सबैभन्दा बढी लगानी शिक्षाका क्षेत्रमा छ तर उत्पादन न्यून छ, यस्तो दुःखद स्थितिको अन्त्य हुनुपर्छ भन्दै उनले सरकारले सञ्चालन गर्न लागेको विद्यालयको मोडेल पनि सयपत्रीको जस्तै रहेको उल्लेख गरे । उनले प्रदेश सरकारले विद्यालयमा खानेपानी, शौचालय, पुस्तकालय, विज्ञान प्रयोगशाला निर्माण गर्ने नीति लिएको जानकारी दिँदै त्यसका लागि मागपत्र आब्हान गरिरहेको उल्लेख गरे। उनले हरेक वर्ष ४ लाख व्यक्ति एसइईमा पास…

आकुराईको छैटौं शाखा पोखरामा

आदर्श समाज सम्वाददाता
माघ २९, २०७५
आकुराईको छैटौं शाखा पोखरामा
पोखरा, २८ माघ । आकुराई एजुकेशन कन्सल्टेसीले आफ्नो छैटौं शाखा पोखरा सिद्धार्थचोकमा विस्तार गरेको छ जापानमा विद्यार्थी अध्ययनको लागि विशेष सुविधा उपलब्ध गराउने उद्देश्यस्वरुप आइतबार शाखा विस्तार गरिएको कन्सल्टेसी प्रमुख प्रज्ज्वल पौडेलले बताए । सन् २०१३ बाट चितवन नारायणगढबाट शुरुवात भएको कन्सल्टेन्सीको बर्दिवास, टाँडी, कावासोती र धनगढी तथा आगामी दिनमा दाङ शाखा विस्तार हुने उनले जानकारी दिए । विद्यार्थीलाई जापानीज भाषा, रीतिरिवाज, हावापानी, भौगोलिक अवस्था र रहनसहनबारे विद्यार्थीलाई परामर्श दिइने पोखरा शाखा प्रमुख दोरक थापाले जानकारी दिए। हालसम्म पाँच सय बढी विद्यार्थी विद्यार्थी…